Inicio Sirgo Torcendo

As Ollofábulas de Charo Pita e Óscar Villán

volver

Ollar mentres se escoita, escoitar mentres se mira, deixar que os poemas e as historias aniñen a un tempo nos ollos e as orellas dos cativos, iso son as OLLOFÁBULAS.

Como nun álbum de contos narrado no aire, as OLLOFÁBULAS pasean por escolas e bibliotecas o mundo da plástica e a oralidade. OSCAR VILLAN dá cor e forma á palabra , CHARO PITA pon aceno e voz ás imaxes. Unha relación case máxica para os que aínda cren no placer de combinar as artes.

OBXECTIVOS:

_Achegar o mundo das artes plásticas e a oralidade aos cativos.

_Amosar as posibilidades interdisciplinarias das diferentes manifestacións artísticas (música e palabra).

_Dar a coñecer relatos e libros que teñan que ver coa pintura.

_Observar de primeira man o proceso creativo do ilustrador de historias. _Estimular os sentidos da vista e o oído.

NECESIDADES

_Auga.

_Un lugar con boa sonoridade onde os cativos estean cómodos e podan ver ben.

_Dado o carácter visual do espectáculo As Ollofábulas, rógase un número limitado de aforo así como unha ubicación non afastada do público para que podan seguer o proceso de ilustración e participar nel.

Charo Pita, contadora

Charo Pita traballa como narradora de historias dende hai 15 anos. Tamén ten experiencia no teatro e publicado libros tanto para nenos como para adultos nas editoriais Kalandraka, OQO, Espiral maior, Palabrasdelcandil, Brosquil...

Óscar Villán, ilustrador

Ilustrador, cartelista, fotógrafo, deseñador, Óscar Villán recibe moi cedo o pretixioso Premio nacional de ilustración, en 1999, e dende entón non para de desenvolver a súa carreira en numerosos eidos. Paricipa en numerosas exposición colectivas, imparte talleres, conferencias e ten publicados numerosos títulos como ilustrador entre os que destacan o exitoso Coelliño branco ou A cebra Camila.

• Axenda

• 28 / 4 / 2011

  As Ollofábulas

  ALM Louro, Muros

• 2 / 5 / 2011

  As Ollofábulas

  CPR Andaina, A Coruña

• 22 / 6 / 2011

  As Ollofábulas

  CPI Zas

• Charo Pita

  contadora

  Óscar Villán

  ilustrador