Inicio Sirgo Torcendo

Grupo de música antiga 1500

volver

O grupo de Música Antiga 1500, dirixido por Andrés Díaz, é unha formación vocal e instrumental adicada á interpretación da Música Antiga.

Especficamente, o seu repertorio abrangue dende a música composta nos séculos centrais da Idade Media ata a música do primeiro Renacemento, tomando como referente central o ano 1500, ano que dá nome ao grupo.

Os e as compoñentes de 1500 contan cunha ampla traxectoria concertística sendo membros ou colaborando con outras formacións de ámbito nacional e internacional (Malandança, Grupo de Cámara da Universidade de Santiago, In Itinere, Música Doméstica, Capela Compostelá, Martín Códax, Resonet, Ultreia, etc.), ofrecendo numerosos concertos tanto en Galiza coma no resto de España e de Europa.

Na interpretación e elaboración dos diferentes programas, o grupo busca o máximo rigor histórico e conceptual empregando un amplo repertorio de instrumentos medievais e renacentistas, réplicas de instrumentos antigos.

Ademais da súa actividade concertística o grupo desenvolve outro tipo de proxectos relacionados coa música, dende a súa concepción e deseño, ata a súa execución: bandas sonoras para audiovisuais (colaboración na curta Cadea perpetua e nos documentais O mariscal, mito, lenda e realidade e Cetreiros do Século XXI), concertos, guías e materiais didácticos e concertos monográficos de temática específica.

• http://www.grupo1500.es
• Anónimo (Cancionero Musical de Palacio, ss.XV-XVI)
• Anónimo (O.Petrucci Frottole libro VI, 1503)
• Ricardo I Corazon de Leon
• Francesco Landini (1325-1397)
• Vídeos

• Belén Bermejo

  voz e organetto

  Roberto Santamaría

  viela e violín barroco

  Andrés Díaz

  frautas, chirimía, baixón, viola de man e guitarra renacentista, dirección

  Pablo Ruibal

  Viola de gamba

• Audio

• "Falalalan, falalalera"

  Mateo Flecha el Viejo, Cancioneiro de Uppsala ou do Duque de Calabria (1556)

  "Qual e a Santivigada?"

  Cantiga de Santa María, Taller de Afonso X (S.XIII)