 |
 |
 |
 |
 |
O órgano da Compañía, doutra maneira
A USC reanuda as súas actividades musicais cun ciclo entorno ao órgano da Igrexa da Compañía. Un concerto do Oman Consort, a proxección dunha película de cinema mudo con música ao vivo e unha charla-concerto sobre os instrumentos antigos de tecla integran este proxecto organizado pola Vicerreitoría de Cultura [Máis]
O Grupo Martin Codax grava no Pazo de Xelmírez, a música para un documental do National Geographic
Trátase dunha serie de seis capítulos sobre o Camiño de Santiago, na que se percorre a ruta dende Holanda pasando por Bélxica, Francia e España ata chegar a Compostela. A serie emitirase a partir de febreiro de 2009 a través do National Geographic Channel International para un total de 161 países e en 27 idiomas diferentes.
Ciclo Espazos Sonoros
A Consellería de Cultura a través da Dirección Xeral de Creación e Difusión Cultural inaugura unha serie de ciclos de música baixo o título xenérico de Espazos Sonoros. Un total de 66 concertos de música para órgano, música de cámara, antiga, vocal, música experimental ou con raíces en espazos de interese cultural [Máis]
"Vimos unha estrela..." o Nadal da man do Grupo de Música Antiga 1500
O grupo 1500 presenta en xira o programa Vimos unha estrela...o Nadal na Música Antiga, un percorrdo pola festa cíclica do Nadal dende o Advento ata a chegada dos Reis Magos, a través das cantigas de Afonso X o Sabio, e as obras dos cancioneiros dos ss. XV e XVI. [Máis]
Dos ábacos aos computadores
Continúa a itinerancia da exposición Dos ábacos aos computadores. Logo de percorrer con éxito as sedes de Caixanova en Pontevedra, Ourense e Vigo, a exposición continúa na casa da Cultura de Ribeira ata o mes de outubro, retomando o relevo o Palexco en A Coruña, para rematar en Lugo na facultade de Veterinaria. [Máis]
Homenaxe a Enrique X. Macías no 50 aniversario do seu nacemento
Tres concertos, o 22 de maio no Teatro Rosalía da Coruña, o 23 no Salón Teatro de Santiago e o 25 no MARCO de VIGO; a edición de dous Cds e a dixitalización da obra de Macías, conforman os actos para a conmemoración do que sería o seu 50 aniversario. Organizados pola Dirección Xeral de Creación e Difusión Cultural en colaboración con MISOMUSIC Portugal, os concertos correrán a cargo do Sond'ar-te Electric Ensemble.
150 anos da Lei Moyano
MUPEGA conmemora cunha exposición os 150 anos da promulgación da Lei Moyano e da introdución, no noso país, do ensino experimental. A exposición estará aberta do 16 de outubro ao 29 de febreiro de 2008. [Máis]
Concertos e unha conferencia no marco da exposición Dos ábacos aos computadores
O grupo Instrumental Siglo XX actuará o día 27 de febreiro cun programa sobre as relacións entre a Música e Matemáticas; Germán Díaz farao o 26 de marzo nun concerto para zanfoña, caixa de música e órgano de barbaria que leva por título π (ou sexa, Pi). Os concertos serán na Igrexa da Universidade ás 20.30.
O catedrático de Historia do Cine, Luis Hueso, dará unha conferencia no Salón de Actos da Facultade de filosofía ás 20 h. baixo o título Cando as matemáticas fan cine. [Máis]
O dúo de guitarras arte en pArte, único grupo español invitado ao festival internacional de guitarra do Instituto Cultural Peruano Norteamericano, na súa XVIII edición do 10 ao 15 de marzo
O grupo Martin Codax en Núremberg
O grupo Martin Codax ofreceu un concerto o día 30 de xaneiro , dentro do ciclo de concertos de Música Antiga que organiza o Germanisches National Museum de Nuremberg en colaboración coa Radio Bábara. O concertos foi gravado en directo para ser retransmitido porla radio 4Klassik.
